Jakt (Skjøtselsplan 2008-2012)

Verdiar

Skolen har fellingsløyve på tre rådyr. Elles kan det jaktast på dei mest vanlege småviltartane i området slik som hare, due og dei mest vanlege andefuglane som det er lov å jakte på. Det kan òg vere aktuelt  å jakte på rev for å ha ein viss kontroll på bestanden. Av skogsområde er  Sørskogen den mest eigna for jakt. I Loneheia kan det og jaktast, men ved rv. 44 og naturreservata ved Øksnavadtjern og Lonevatn vert tilhøva for jakt vanskelege. På den dyrka jorda og i reinseparkane  kan ein drive jakt. Langs Figgjoelva er det gode forhold for andejakt om hausten. Jakta vert i dag nytta av tilsette og elevar.

Skjøtsel

På heile eigedomen er det viktig å leggje til rette for eit stort biologisk mangfald. Det er med å sikre gode levekår for artar som det kan jaktast på. Jakta må styrast slik at det i periodar ikkje vert jakta for mykje på enkelte artar. Skolen kan og vurdera å leige ut jakta på reint kommersiell basis.