Sørskogen (Skjøtselsplan 2008-2012)

Verdiar

Store delar av skogen er av ein kvalitet som gjer at det kan drivast rasjonell skogsdrift. Viktig for undervisninga. Stort biologisk mangfald. Her er hare, rådyr, elg, rev og ein del fugl. Gode høve for jakt. Skogsvegnett godt tilrettelagt for  skogsdrift, hestebruk i undervisninga og travtrening organisert gjennom hestebrukarlag i nabolaget. Open myr sentralt i skogen.
Treslaga er norsk gran, sitkagran, kvitgran, lerk, bergfuru, buskfuru, vanleg norsk furu og dei mest vanlege lauvtreartane. (foto: planting av lerkeskog)

Skjøtsel

Skogsvegnettet bør haldast vedlike for skogsdrift og hestebruk gjennom avtale med hestebrukarlaget. For turgåing er det ingen spesielle tiltak. Det bør plantast lerk på dei øvre teigane for å gje auka produksjon og ein lysare skog. Kantsona mot sør bør etter kvart skiftast ut frå bergfuru og sitkagran til  blanda lauv med innslag av eik. Den opne myra sentralt i skogen bør mest mogleg haldast open for å vere med å gje skogen eit større mangfald.