Tøffelblomsten

Skrevet av Linda Søreide

I slutten av januar starter salg av tøffelblomst på skolens gartneri.

Planteslekta Calceolaria omfattar om lag 500 artar som høyrer heime i Andesfjella. Planten har poseforma blomster og har dermed fått namnet tøffel. Fleire artar vart innført til Europa i forrige århundre og etter utalllige kryssningar av desse har vi fått fram dei sortane vi dyrkar i dag. Det er relativt liten produksjon av tøffelblomst i Norge. Den aktuelle salstida er januar-februar, då det er få andre blomstrande potteplantar.

Ved Øksnevad vgs dyrkar vi eit hold med tøffelblomst kvart år. Frøet vert sådd i august. Frøet er utruleg lite og lett: 21000 frø veg 1 gram . Det må derfor breisåast i såbrett og priklast 3-4 veker etterpå. Ved prikling skiljer ein plantane og set dei enkeltvis i pluggbrett. Etter 6-8 veker i pluggbrett kan plantane pottast i 11 cm potter.

I tida etter potting vert forholda lagde til rette for at planten skal utvikle seg. Plantane får den beste utviklinga ved 15 ° C og kort dag. For at planten skal kunne danne blomster, må den deretter ha ein kjøleperiode på minimum 6 veker ved 9 ° C. Etter kjøleperioden får plantane høgare temperatur og meir lys fram til blomstring og sal.